Sugar Industry

 - श्री.पी.आर.आहिरेसर यांनी मुख्याध्यापक म्हणून जनता विद्यालय मुखेड येथे १० वर्षे काम केले. त्यांच्या कर्तृत्वाने तेथे गेल्यावर त्यांचे स्मरण झाल्याशिवाय राहात नाही.आज आणि तेंव्हा अशी न कळत तुलनाही होते. मनात विनम्र भाव निर्माण होतो. आमच्या मुखेड गावी १९६७ला मविप्र समाज नासिक यांचे वतीने नवीन हायस्कूलचा ८वीचा वर्ग सुरू झाला होता. मे१९६८ मध्ये मी ७वीची परीक्षा लासलगाव केंद्रातून २नंबरने पास झालो.मला ८वीला प्रवेश मिळाला,तेव्हा कळाले की,नवीन हेडसर म्हणून श्री.पी.आर.आहिरेसर आलेले आहेत. करारी चेहरा,उंच,सावळ्या रंगाचे सर,पहाता क्षणीच आदरयुक्त भीति मनात निर्माण झाली आणि ती पुढे कायम टिकून राहिली.सरांनी ८वीला मराठी आणि इंग्लीश विषय शिकविले. दर शनिवारी इंग्लीशच्या तासाला नवीन शब्द पाठ करून घेणे, इंग्लीश शब्दांच्या भेंड्या खेळणे, यामुळे इंग्लीश पक्के झाले आणि A,E,I,O,U,X and Y या अक्षरांनी सुरूवात होणारे शब्द आजही पाठ आहेत. मी वर्गातील हुशार विद्यार्थी म्हणून मला सरांचे अधिक प्रेम आणि सहवास लाभला. मी सरांचे घरी रोज संध्याकाळी ६ नंतर पेपर वाचण्यासाठी आणि रेडिओवरील बातम्या ऐकण्यासाठी ...

 ऊसाची मशागत  ऊसाची लागणं होऊ दे गं सुनबाई  मग जा आपुल्या माहेरा ऊसाची लागणं झालीहो सासुबाई  आता तरी जाऊ का माहेरा ॥१॥ ऊसाची निंदणी होऊ दे ग सुनबाई मग जा तू आपुल्या माहेरा  ऊसाची निंदणी झाली हो सासुबाई आता तरी जाऊ का माहेरा ॥२॥  ऊसाची नोंदणी होऊ दे गं सुनबाई मग जा आपुल्या माहेरा ऊसाची नोंदणी झाली हो सासुबाई आता तरी जाऊ का माहेरा ॥३॥ तागाची बेवड होऊ दे गं सुनबाई मग जा आपुल्या माहेरा  तागाची बेवड झाली हो सासुबाई आता तरी जाऊ का माहेरा ॥४॥ बाळबांधणी ,कटभरणी कर गं सुनबाई मग जा आपुल्या माहेरा बाळबांधणी ,कटभरणी केली हो सासुबाई आता तरी जाऊ का माहेरा ॥५॥ ऊस संजीवनी अन जीवामृत ऊसाला दे गं सुनबाई, मग जा आपुल्या माहेरा ऊस संजीवनी अन जीवामृतदिले हो सासुबाई आता तरी जाऊ का माहेरा ॥६॥ ऊसात पाचट पसरवं ग सुनबाई मग जा तू आपल्या माहेरा  ऊसात पाचट पसरवलं हो सासुबाई आता तरी जाऊ का माहेरा||७|| पाणी बंदची नोटीस येऊ दे ग सुनबाई मग जा तू आपल्या माहेरा पाणी बंदची नोटीस आलीहो सासुबाई  आता तरी जाऊ का माहेरा ॥८॥ ऊसाची तोड होऊ दे ग सुनबाई मग जा तू आपल्या माहेरा...

 ॥तेव्हाही झाडाला आनंद झाला ॥ ॥तेव्हाही झाडालाआनंद झाला ॥ पोपट आणि मैना झाडावर बसले  दोघेही गाणे गात डोलू लागले  तेव्हाही झाडाला आनंद झाला ॥१॥ एवढ्यात झाडापाशी सुगरण आली  सुगरणीने झाडावर घरटे बांधले  तेव्हाही झाडाला आनंद झाला॥२॥  रात्री झाली तेव्हा चंद्रकोर आली  झाडाआडून जगाशी लपंडाव खेळली  तेव्हाही झाडाला आनंद झाला ॥३॥ दिवसा रविदादाआले आणि तापले माणसे जनावरे झाडाच्या सावलीत आली  तेव्हाही झाडाला आनंद झाला ॥४॥ आभाळात ढग दाटुन आले  पावसात वीज झाडापाशी भूमीला भेटली  तेव्हाही झाडाला आनंद झाला॥५॥  दोन तीन मुले धावत आली  काही फळे खाऊन आनंदली  तेव्हाही झाडाला आनंद झाला॥६॥  दोन आदिवासीं झाडापाशी आले  शुष्क फांद्याची मोळी घेऊन गेले  तेव्हाही झाडाला आनंद झाला ॥७॥ झाडाने देवाची प्रार्थना केली  हेचि काम करा आकाशवाणी झाली  तेव्हाही झाडाला आनंद झाला॥८॥  ज्या गावच्या बोरी त्याच गावच्या बाभळी  ऐकले कुऱ्हाडीचा दांडा गोतास काळ तेव्हाही झाडाला आनंद झाला॥९ ॥  रचनाकार:आहेर वा.र.नासिक बी.ई.एमआयई....

 व्यथा गुरुजींची व्यथा गुरुजींची  घंटा वाजली, शाळा सुटली  पोरं दंगा करत घरी पळाली  खडूची धुळ झटकली पंचाने  गुरूजींनी घाम पुसला रुमालाने   घशाची तहान भागवली पाण्याने  आठी पडली कामाच्या यादीने   रात्रीचे साक्षरता वर्ग सुरु करा  जनगणना करा,कुष्ठरोग्यांची यादी करा  मासिक तक्ते, हजेरीपट भरा  सरपंचाच्या मुलाची घ्या शिकवणी हेडमास्तरची ऐकताच दटावणी  आमचे आदर्श साने गुरूजी चितळेमास्तर, हिरवे गुरुजी  निकाल आमचा शंभर टक्के  सातव्या वेतनाने आम्ही पक्के नाठाळा करितो आम्ही सरळ  ऐकतो बरळ, परि वागतो करळ  आम्हीच सांदिपनी अन वशिष्ठ  मायबापानंतर आम्हीच श्रेष्ठ  रचनाकार:आहेर वा.र.नासिक  9958782982