प्रार्थना
।प्रार्थना।।
प्रभु करा दया अपार
समोर आहे कडेकपार
नको अपेक्षांचे लटांबर
बसू दे समाधानाने काठावर ।।
नको देऊ असुयेचा सहवास
अन नको कुणाचा दुश्वास
करू बापड्यांसाठी अट्टाहास
न घडो कुणाला जगी उपवास।।
जाऊ द्या तिमीर दुरितांचे
होऊ या मायबाप अनाथांचे
सुख मिळावे नामसंकीर्तनाचे
होईल सार्थक नश्वर जीवनाचे ।।
नको मज विरक्ती नको मज आसक्ती
भवसागर पार कराया दे मज शक्ती
असु दे मज ठायी तुझी भक्ती
आस लागली मिळो मज मुक्ती।।
रचनाकार:आहेर वा.र.नासिक
9958782982
Comments
Post a Comment